Facebook işçilərin faydalı iş əmsalını % 12.5 azaldır, bu göstərici yüksəlməkdə davam edir

Böhran şəraitində ixtisara üstünlük verib, az saylı işçilərlə böyük işlər görməyə çalışan şirkətlərin ən böyük düşməninin “Facebook” kimi sosial şəbəkələr olduğu açıqlanıb.

Lent.az-ın verdiyi məlumata görə, bu, “Nucleus Research” sorğu mərkəzinin apardığı son araşdırma zamanı üzə çıxıb.

Son vaxtlar şirkətləri daha çox narahat edən “Facebook”da oynanılan onlayn oyunlardır. Sosial şəbəkələrdə “FarmVille”, “Cafe World”, “Restaurant City”, “Pet Society” kimi bir çox oyunlar iş saatlarında oynanılır və işçilərin faydalı iş əmsalının ən azı 12,5 faiz aşağı düşməsinə səbəb olur. Bu göstərici yüksəlməkdə davam edir.

Dünya miqyasında “Facebook”un 350 milyon istifadəçisi var. Bu istifadçilərin 20 faizi iş vaxtı oyun oynayır. 70 milyon aktiv istifadəçisi olan “FarmVille” ən populyar oyundur.

“Nucleus Research”in nümayəndəsi Rebecca Wettemann deyib ki, bu səbəbdən bir çox şirkətlər “Facebook”a qadağa qoymağa başlayıblar.

Mənbə: LENT.AZ