Avtosalonun 100 əməkdaşı 4 saat ərzində pulları sayıb.

Çinin Xenan əyalətindəki avtomobil salonlarından birində 22 min dollarlıq avtomobilin pulunun ödənilməsi 4 saat davam edib. Lent.az-ın “China Daily”ə istinadən verdiyi məlumata görə, alıcı maşının pulunu xırda sikkələrlə ödəyib.

Li soyadlı kişi 150 min yuanlıq (22 min dollardan çox) maşın almaq qərarına gəlib. Bu adi alqı-satqı müştərinin pulu metal sikkələrlə ödəməsi səbəbindən məşhurlaşıb. Kişi maşının əvəzinə 700 kiloqram metal sikkə verib. O, pulu avtosalona çatdırmaq üçün 20 plastik paket əldə edib və xüsusi yük maşını tutub.

Alqı-satqı 4 saat davam edib. Avtosalonun əməkdaşları bütün bu müddət ərzində xırda pulları sayıblar. Ümumilikdə isə “əməliyyata” avtosalonun 100-dən çox əməkdaşı cəlb olunub.

Li Loxe şəhərində restoran sahibidir. Onun avtomobilin pulunu belə qəribə üsulla ödəməsinin səbəbi bəlli deyil.

Mənbə: LENT.AZ